Rama Warrier passed away
- warriers.org
- Oct 7
- 1 min read
ഒല്ലൂർ ആവിണിശേരി വാരിയത്ത് രാമ വാരിയർ (87) ഇന്നു ( 7-10-2025) കാലത്ത് ദിവംഗതനായ വിവരം വ്യസനസമേതം അറിയിക്കുന്നു.പത്നി മുളയത്തു വാരിയത്ത് ശാന്തകുമാരി വാരസ്യാർ . മക്കൾ: രമേശ് ( ദുബായ്), രഘു ( എൽ ഐ സി ഡെവലപ്മെന്റ് ഓഫീസർ കൊടുങ്ങല്ലൂർ), രാജൻ ( ധനലക്ഷ്മി ബാങ്ക് തൃശ്ശൂർ), രാജേശ്വരി ( എച്ച് എസ് എ ഗവൺമെന്റ് ഹയർസെക്കൻഡറി സ്കൂൾ നെല്ലിക്കുത്ത്, മലപ്പുറം ).
മരുമക്കൾ പാർവതി, ചിത്ര( എച്ച് എം ടി, കളമശ്ശേരി )
, ദിവ്യ, പ്രമോദ് ( റിട്ടയേഡ് ജോയിന്റ് ആർടിഒ ). നാളെ ( 8-10-2025) കാലത്ത് പത്തുമണിക്ക് സ്വ വസതിയിൽ സംസ്കാരം.🙏
ആദരാഞ്ജലികൾ 🙏: warriers.org
Following is tribute by Sri.T . Sivan
"രാമേട്ടന്
ആദരാഞ്ജലികൾ ... .....
നാങ്കുളം രാമേട്ടൻ ഇന്ന് അന്തരിച്ചു .
വാർദ്ധഹ്യസഹജമായ അസുഖത്തേ
തുടർന്ന് എൺപത്തിയേഴാം വയസ്സിൽ
ആണ് മരണം .
പെരുവനം ആറാട്ടുപുഴ പൂര കൂട്ടായ്മയിലെ
24 ക്ഷേത്രങ്ങളിൽ ഒന്നായ നാംങ്കുളം ശാസ്താവിൻ്റെ വലം കൈ ആയിരുന്നു
നാംങ്കുളം രാമേട്ടൻ എന്ന അവിണിശ്ശേരി
വാര്യത്തെ രാമ വാരിയർ .
പെരുവനം ആറാട്ടുപുഴ പൂരങ്ങൾ നിലനിറുത്തി കൊണ്ട് പോവാൻ വേണ്ടി ഉണ്ടാക്കിയ പെരുവനം ആറാട്ടുപുഴ പൂരം സെൻട്രൽ കമ്മറ്റിയുടെ സ്ഥാപക നേതാക്കളിൽ ഒരാൾ ആയിരുന്നു .
വയ്യാതെ ആവുന്നത് വരെ
നാംങ്കുളത്തിൻ്റെ പ്രതിനിധിയും
ആയിരുന്നു . ഭാരവാഹി സ്ഥാനം
എന്തെങ്കിലും ഉണ്ടായിരുന്നോ
എന്ന് ഓർമ്മയില്ലാ .
2001 മുതൽ എടക്കുന്നിയുടെ പ്രതിനിധിയായി സെൻട്രൽ കമ്മറ്റിയിൽ രാമേട്ടന് ഒപ്പം പ്രവർത്തിക്കാൻ പലപ്പോഴും എനിക്കും അവസരം ഉണ്ടായിട്ടുണ്ട് .
രാമേട്ടനെ പോലെ ഉള്ളവരുടെ
കൂട്ടായ്മയുടെ ദീർഘവീക്ഷണം
പരിശ്രമം പ്രവർത്തനം കൊണ്ട്
ആണ് പെരുവനം പൂരവും
ആറാട്ടുപുഴ പൂരവും ഇന്നും
നിലനിൽക്കുന്നത് .
രാമേട്ടൻ കാരണം ആണ്
നാംങ്കുളം ശാസ്താവ്
പൂരങ്ങളിൽ നില നിന്നതും .
എല്ലാ സ്ഥലത്തേക്കും വിളക്ക് പിടിച്ച് ശാസ്താവിനെ അദ്ദേഹം തന്നെ ആണ് കൊണ്ട് പോയിരുന്നത് .
ഒരിക്കൽ കൂടി
രാമേട്ടന് പ്രണാമം"
ആദരാഞ്ജലികൾ....